A Orde do Camiño de Santiago é recibida en Raxoi polo seu XVII Capítulo Xeral

Amelia González conversa co gran mestre da Orde

A Orde do Camiño de Santiago celebrou o seu XVII Capítulo Xeral, dedicado nesta edición á BRILAT Galicia VII. Como parte dos actos previstos, os seus integrantes foron recibidos en Raxoi pola segunda tenente de alcalde, Amelia González. Pola mañá, a Orde asistira á tradicional misa do peregrino, na que realizou a súa ofrenda ao Apóstolo, que correu a cargo do gobernador de Kwanza Sul (Angola), Eusebio de Brito Teixeira.

Para a tarde estaba previsto o acto de investidura de novos cabaleiros e damas en San Domingos de Bonaval e a asistencia a un concerto en homenaxe aos mesmos no Hostal dos Reis Católicos.