A mediados do mes de agosto darán por finalizadas as obras de humanización da Rúa de San Roque

As obras de humanización da Rúa de San Roque, adxudicadas o pasado mes de abril á empresa COPCISA por un importe total de 312.392,60 euros, finalizarán a mediados do mes de agosto. Así informa o rexedor municipal, Alberto Valverde, que avanza que se intentará que as obras estean rematadas antes da celebración das festas desta parroquia.

A conclusión desta última fase as obras, iniciadas hai máis de tres anos, supón o cumprimento dun compromiso adquirido por outros gobernos cos veciños de Camos, “que levan moitos anos esperando as obras de mellora e humanización deste vial”, observa Valverde. Así mesmo, engade que a súa finalización permitirá mellorar de forma definitiva un vial neurálxico para as comunicacións desta parroquia, así como para a comunicación co resto do municipio.