A Biblioteca de Ordes comeza a impartir o obradoiro de igualdade “Contiños para compartir”

Esta mañá a Biblioteca Municipal de Ordes acolleu a primeira das citas do seu obradoiro ‘Contiños para compartir’. Nela algo máis dunha vintena de nenos e nenas participaron nesta iniciativa onde, de maneira lúdica, se traballan os valores relacionados coa igualdade así como a súa capacidade creativa. Ao longo das xornadas nas que se desenvolva este programa tamén se lles mostra a importancia que ten o hábito da lectura.

‘Contiños para compartir’ é un traballo conxunto entre o Fondo Social Europeo, o CIM da Mancomunidade de Ordes, a Xunta de Galicia e o Concello de Ordes.