A bandeira azul da praia do Campanario ízase o sábado

A bandeira azul concedida este ano por vez primeira á praia do Campanario ondeará no areal de Bamio a partir do sábado. Este será o día no que se proceda ao izado do distintivo co que a asociación independente Adeac galardoa ás praias que cumpren cos requisitos de máxima calidade a nivel europeo. O acto de izado celebrarase a mediodía e contará coa presenza do alcalde, Tomás Fole, e membros do goberno local.