Xornadas razas autóctonas de Galicia en perigo de extinción

A 36ª Feira Internacional Semana Verde de Galicia continuou hoxe coa xornadas técnicas centradas nas razas autóctonas de Galicia en perigo de extinción. Así, durante a mañá leváronse a cabo dúas conferencias centradas na economía das explotacións, as cales foron impartidas por Marina Rosende Iglesias, subdirectora da Área Económico Financeira da Federación de Razas Autóctonas de Galicia (Boaga).

Na primeira delas explicou con detalle aos asistentes  o Réxime Especial de Agricultura, Gandería e Pesca (REAGP), centrándose nos seus requisitos e obrigacións, ademais de aportar recomendacións. Na segunda xornada desgranou a  fiscalidade da pequena empresa agropecuaria.