Visita a “Fleamarket”

Carlos Negreira en Fleamarket

O alcalde, Carlos Negreira, visitou esta mañá Fleamarket no marcado de San Agustín. Trátase dun mercado de artigos de moda, música, complementos, arte ou xoguetes que se enmarca dentro de Incoruña e que se acompañou dun gran showcooking da man de recoñecidos xefes de cociña galegos e con produtos do noso mercado con degustacións de cociña tradicional e de vangarda. Polo evento, que se desenvolveu entre o 31 de maio e o 2 de xuño e no que participan 20 empresas, xa pasaron ao redor de 3.000 persoas. A recadación polas entradas, a un prezo simbólico dun euro, doarase integramente a Cáritas.