Vacacións para maiores 2013-2014 do Concello da Lama

O Imserso acaba de abrir o prazo para acceder ao programa de Turismo Social para maiores.

O Imserso quere contribuír ao benestar das persoas maiores e, para iso, organiza distintos tipos de viaxes co obxectivo de que poidan gozar dunhas merecidas vacacións, podendo optar ás seguintes modalidades: estancias en zonas costeiras para descanso e relax, circuítos culturais para adentrarse na historia e arte de España e turismo de natureza con rutas por paraxes pintorescos.

Algúns dos destinos son por exemplo Andalucía, Cataluña, Comunidade Valenciana, Illas Baleares, Illas Canarias e Murcia.

As estancias poden durar entre 8 e 15 días.

Para poder gozar do programa débese ser maior de 65 anos ou ser pensionista, pensionista de viuvez con 55 anos ou máis, ou pensionista de invalidez ou prexubilado con 60 anos cumpridos.

Poderá participar co cónxuxe ou parella de feito, á que ademais non se lle esixirán os requisitos.

Tamén poderán participar os fillos con discapacidade cun grao mínimo do 45%

O prazo finaliza o 12 de xullo e poden solicitalo nos Servizos Sociais do Concello da Lama.