Un parladoiro de experiencias pecha a primeira Escola de Doentes da Casazul

A primeira Escola de Doentes chega este venres ao seu fin cun parladoiro aberto no que os asistentes poderán compartir experiencias, manifestar peticións, suxestións, ou solventar as súas dúbidas. Será como foi habitual nestes cinco venres, ás 20.00 horas na Sala Valdecorvos da Casazul.

A presente iniciativa, incluída dentro do programa HEDRA, facilita un espazo de achegamento para doentes crónicos, familiares e profesionais como medio para o intercambio de puntos de vista, información, formación e coñecemento.

Este intercambio de experiencias e sentimentos, nado a petición do Colectivo de Afectados pola Fibromialxia, impartirá cada venres conferencias destinadas a tódolos públicos afectados por enfermidades crónicas.