Turismo e a S.D. Compostela colaborarán nun programa de visitas guiadas para os clubs que xoguen en Santiago

A concelleira de Turismo, Reyes Leis, mantivo un encontro co presidente da Sociedade Deportiva Compostela, Antonio Quinteiro, co fin de establecer unha colaboración en materia turística. Concello e S.D. Compostela asinarán un convenio que permitirá a realización de visitas guiadas destinadas aos integrantes dos equipos que cheguen á cidade para enfrontarse aos diferentes equipos do club santiagués.