Talleres de supervivencia doméstica e corresponsabilidade en Lousame

Alumnos no obradoiro doméstico

O xoves 20 de xuño, a piques de rematar o curso, mozas e mozos de 4º de ESO de Lousame compartiron tarefas domésticas nos “Talleres de supervivencia doméstica e corresponsabilidade”, organizados pola Concellería de Igualdade no CPI Cernadas de Castro.

Entre outras actividades os 19 mozas e mozos que participaron nos talleres puxeron en práctica as súas habilidades para elaborar madalenas seguindo dúas receitas de repostería, e aprendendo a pasalo ferro.

Esta iniciativa que se leva a cabo dentro da Aula móbil de coeducación do Programa de Fomento da Igualdade, subvencionado pola Deputación da Coruña,  pretendeu achegarlle á xuventude a importancia de colaborar no reparto das tarefas e responsabilidades domésticas co fin de que tódolos membros poidan desfrutar por igual do tempo propio e de ocio.

Por outro lado ademais de fomentar a autonomía e independencia no ámbito doméstico que necesitarán nun futuro próximo, traballouse cos rapaces e rapazas a superación do rol tradicional da muller como única responsable do traballo no fogar.