Rey Varela asina os convenios de colaboración co club de Remo San Felipe e o Club Halterofilia Ferrol

Sinatura do convenio

O alcalde de Ferrol, Jose Manuel Rey Varela, asinou hoxe dous convenios de colaboración con outras tantas entidades deportivas: o Club de Remo San Felipe e o Club Halterofilia Ferrol. No caso do primeiro club, a achega municipal ascende a 14.500 euros; e no segundo, a 9.600 euros.  O Salón de Recepcións da Casa Consistorial acolleu a firma destes acordos, coa presenza de José Daniel Rodriguez, de Remo San Felipe; e de Carolina Diaz, de Halterofilia Ferro; así como da concelleira de Deportes do Concello de Ferrol, Susana Martínez Galdós.

Rey Varela destacou que “o Concello de Ferrol sempre prestará o seu apoio  económico aos clubs que coiden o deporte de base; pero o realmente importante é o traballo que diariamente fan estas entidades cos seus deportistas”. Así mesmo, o primeiro edil da cidade desexou éxitos deportivos tanto o club de Remo San Felipe como ao de Halterofilia Ferrol. Pola súa banda, os representantes destas dúas entidades agradeceron a achega do Concello do Ferrol porque “é especialmente importante e necesaria contar co respaldo do Concello no contexto económico actual en que os clubs tamén pasamos por dificultades”, indicou José Daniel Rodríguez, responsable do Remo San Felipe.