Os parques biosaludables da Barcala, Pravio e Tempero acollen un programa de actividade física

A Área de Deportes xunto coa Área de Benestar Social e Sanidade do Concello de Cambre poñerán en marcha a próxima semana un novo programa de actividades físicas nos parques biosaludables da Barcala, Pravio e El Temple co obxectivo de fomentar a actividade física ao aire libre, e formar a poboación no uso do equipamento deportivo, co fin de mellorar a calidade de vida e o benestar físico.

O programa desenvolverase dous días por semana durante o mes de xullo e agosto. Os martes e xoves terá lugar na Barcala de 9:30 a 10:30 horas, os martes e xoves Nel temple de 11 a 12 horas e finalmente os martes e xoves en Pravio de 20 a 21 horas.

As clases comezarán con exercicios de quentamento e a continuación, e sempre baixo a supervisión de monitores especializados, farase un percorrido polas máquinas do parque, realizando os exercicios axeitados a cada unha delas. Os monitores estarán ao mesmo tempo a disposición dos cidadáns que se acheguen ao lugar e desexen resolver algunha dúbida respecto á utilización destes parques.