Os deportistas cedeireses logran catro medallas no Campionato Galego de Bádminton en Idade Escolar

Ferrolterra estivo representado no Campionato Galego de Bádminton celebrado o pasado sábado en Vigo por cinco xogadores das Escolas Deportivas Municipais de Cedeira. Todos eles alcanzaron os mellores resultados dos últimos anos a nivel individual nas categorías inferiores, logrando un total de catro medallas. A competición enmárcase no programa “Xogade”, que organiza o Servizo de Deportes de la Xunta de Galicia e reúne a os mellores deportistas das catro provincias nas categorías infantil e cadete masculino e feminino.

Así, Yago Rivas logrou a medalla de ouro, proclamándose campión galego cadete, tras vencer na final ao seu compañeiro de Club Leonardo Sampaio, subcampión galego e medalla de prata. Tamén en cadetes, Irene López e Beatriz García, ambas as dúas de Cedeira, disputaron a medalla de bronce, que finalmente recaeu na primeira. E por último na categoría infantil o cedeirés Daniel Montero, tras unha disputada final, logrou a medalla de prata, que lle dá o subcampionato galego infantil. Á vista destes resultados non queda máis que felicitar aos deportistas cedeireses que, unha vez máis, demostraron que ao bádminton hai que facerlle un oco máis grande no deporte da bisbarra.

Dende o Club Local confirmouse tamén a celebración do Campionato de España de Veteranos en a vila de Cedeira en maio do 2014.