O próximo xoves día 20 abrirase ao público o Centro Municipal do Banco de España

A exposición de arte contemporánea “Identidade e Ausencia”, Figuracións Convulsas da Colección Gas Natural Fenosa será o primeiro dos contidos do Centro Municipal do Banco de España tralas obras de rehabilitación levadas a cabo. O próximo xoves, día 20 a partir das 12 h. abrirase ao público a planta baixa, como centro cultural multiusos do Concello de Ourense.

As obras de rehabilitación da antiga sé do Banco de España supuxeron un investimento de 2.954.989,49 euros, e incluíron a rehabilitación do edificio como centro cultural na planta baixa, así como administrativa, do Catastro -xa en funcionamento-, no resto das plantas.