O programa «A hora do conto» tivo un total de 2.775 participantes entre febreiro e maio

O programa «A hora do conto» tivo un total de 2.775 participantes entre febreiro e maio nas oito bibliotecas públicas municipais. En total participaron 1.762 nenos e nenas e 1.013 pais e nais nas 60 sesións realizadas. Esta actividade de animación á lectura realizouse de forma lúdica, activa e participativa, fomentando a participación dos/as nenos/as, a imaxinación e a creatividade. A valoración por parte dos
responsables da iniciativa é totalmente positiva, xa que as nenas e nenos se divertiron escoitando os contos, fomentouse o gusto pola lectura e
promoveuse a asistencia ás bibliotecas como centros de lectura lúdica.