O Plan RUA chega a 65 rúas e prazas do barrio de Monte Alto

O responsable municipal de Medio, Enrique Salvador, acompañado polas concelleiras de Barrio, Susana Pazo e Carmen Hervada, visitou esta mañá Monte Alto con motivo das actuacións que se levan a cabo no barrio dentro da terceira fase do Plan RUA (Renovación Urbana e Acondicionamento). Os traballos, que xa empezaron onte e que se prolongarán ata o próximo 15 de xuño, desenvolveranse ao longo da xornada de hoxe, martes 4 xuño, na rolda de Monte Alto -entre a Marola e a avenida de Navarra-, Mauricio Farto Parra, Pedro Galán Calvete, Mariscal Loriga, Martínez Moras e Irmáns da Lixivia.

Unha vez conclúanse as actuacións programadas para hoxe, o concelleiro de Medio destacou que o Plan RUA continuará mañá, mércores 5 de xuño, polas escaleiras de Santa Cecilia, Coronel Cerviño Núñez, Xeral Caridade Pita e avenida de Navara. As intervencións en Monte Alto rematarán o sábado 15 de xuño nas rúas Vereda da Polvoreira, Carmen, Ramón del Cueto, praza dos Avós e na avenida de Hércules, entre Areal e Ramón del Cueto. O Plan RUA actuará en 65 rúas e prazas do barrio, en concreto, sobre un total de 93.146 metros cadrados:

-Limpeza e reparación de 500 colectores.

-Reposición de 11 colectores rotos ou desaparecidos.

-Limpeza e reparación de 130 papeleiras.

-Limpeza duns 2.800 metros lineais da rede de rede de sumidoiros da zona. Limpeza e mantemento de 150 pozos da rede de rede de sumidoiros e de 200 sumidoiros, ao longo de 20 rúas e prazas.

-Colocación de 350 cebos (desratización) en 200 arquetas.

-Mantemento de xardíns e zonas verdes.

-Mantemento dun parque infantil.

-Limpeza de dúas fontes e do estanque situado en praza dos Avós.

-Reparación de 13 deficiencias en iluminación pública, entre as que destaca a instalación de dous farois en Pedro Galán Calvete.

-Mantemento de sete marquesiñas, unha bandeirola e un indicador de dirección.

-Pintado de 20 pasos de peóns.

-Pintado de 12 sinais horizontais en calzada.

Ademais, inspeccionaranse as rúas dentro da campaña de detección de vehículos abandonados.

A terceira fase do Plan RUA comezou a semana pasada no Agra del Orzán e, unha vez conclúa en Monte Alto, proseguirá por Zalaeta (do 17 ao 22 de xuño); e Os Castros (do 26 ao 29 de xuño). Ata a data, o Plan RUA cumpriu os obxectivos marcados polo Goberno municipal de realizar unha actuación integral de mellora nos barrios, con intervencións en máis de 50 zonas da cidade. En total, este programa municipal contará con seis fases en máis de 30 barrios que durarán entre 26 e 40 días:

-4ª FASE. Do 1 ao 31 de xullo. Realizarase en Falperra, A Sardiñeira, Catro Camiños, Agra del Orzán e Cidade Vella.
-5ª FASE. Do 2 de setembro ao 11 de outubro. Levarase a cabo en Pedralonga – Eirís, ou Castrillón, Monelos, Labañou – Cidade Escolar e
O Birloque.
-6ª FASE. Do 28 de outubro ao 5 de decembro. Percorre as seguintes zonas:
O Ventorrillo, Peixaría – Praza de Pontevedra, Paseo das Pontes, I Fase de Elviña, Santa Margarida e Valaire.

Durante este ano, o Plan RUA xa actuou en 321 rúas e prazas da cidade dentro do compromiso do Goberno local cos veciños, que demandaban unha cidade máis limpa, sostible e ordenada. En 2013, o Plan RUA interveu en 615.523 metros cadrados, 1.500 deles de beirarrúas; recolleu 4.300 pilas no punto limpo móbil; e resolveu 227 deficiencias en iluminación pública.