O pintado da estrada e a aplicación de slurry na senda peonil de Pazos rematan as obras na PO-255

O pintado do novo firme da estrada e a aplicación de slurry na senda peonil de Pazos poñen o toque final ao proceso de ampliación e mellora da seguridade vial na PO-255 que leva consigo unha nova imaxe de entrada a Ponte Caldelas e que supuxo un investimento global que rolda os 10 millóns de euros, a maior parte deles con destino ao municipio de Ponte Caldelas.

Operarios da empresa adxudicataria das obras na PO-255, entre Ponte Caldelas e Forzáns e Cartitel-A Lama aproveitan o refacho de bo tempo para instalar os últimos elementos da nova sinalética, o pintado do novo firme e a finalización das senllas peonís que discorren paralelas a esta estrada.

A aplicación de slurry (é un produto líquido a base de mesturas homoxéneas de áridos e cargas minerais que se solidifica tras a súa aplicación e secado. Utilízase principalmente para protección en zonas de tráfico rodado lixeiro de pneumáticos como illotes, garaxes, industrias, pistas deportivas, senllas peonís, etc) de cor ocre para provocar unha clara diferenciación co asfalto, ao tempo que reduce o seu impacto ambiental ao mimetizarse co tradicional xabre (zahorra) existente na zona, permite dar unha rematado definitivo ás obras realizadas neste vial que comunica a Ponte Caldelas coa Lama e A Cañiza.

SLURRY E OLLOS DE GATO

Ademais do slurry tamén se instalaron na Travesía de Pazos uns elementos de seguridade vial, coñecidos como Ollos de Gato co que se pretende illar a senda peonil do tráfico rodado que discorre por esta estrada. A súa colocación, ao longo de todo o traxecto dá maior seguridade aos viandantes e un aspecto curioso á vista.

Días atrás, procedeuse a realizar unha renovación total dos puntos de luz existentes na Travesía de Pazos coa substitución dos antigos farois por novas luminarias máis ecolóxicas e eficientes que as existentes no lugar.Los traballos incluíron tamén o completo soterramento da liña que daba subministración enerxética ás vivendas e talleres existentes na Travesía de Pazos e zonas adxacentes.

Aínda que nun principio o proxecto só contemplaba a mellora e ampliación da estrada P0-255 entre Ponte Caldelas e Forzáns, as xestións realizadas polo alcalde Perfecto Rodríguez ante o conselleiro de Medio e Infraestruturas de la Xunta (MATI), Agustín Hernández, permitiron modificalo de tal maneira que se tratase o tramo de Pazos como travesía e se lle dotase de servizos de rede de sumidoiros, melloras na seguridade vial, etc.

Os traballos, que agora están xa practicamente rematados,consistieron na instalación dunha nova canalización para a rede de pluviais, o que permite separar as augas da chuvia da rede de rede de sumidoiros, que ata agora o facían polo mesmo conduto, o que supoñía un problema para a EDAR polo enorme caudal que achegaba.

Ademais desta actuación tamén se substituíron esas antigas canalizacións da rede de saneamento por outras novas dende a rúa José López Boullosa ata o final da rede de Pazos, o que permite que as naves e talleres existentes na zona poidan conectarse ao servizo de rede de sumidoiros.

SENLLAS PEONÍS QUE SE MELLORAN A SEGURIDADE VIAL

A nova Travesía de Pazos conta tamén dende agora condos senllas peonís, de 2 metros de ancho por ambas as dúas marxes da recta, o que mellorará a seguridade vial ao habilitarse esas zonas para peatonesal tempo que amplía ata este lugar a posibilidade de gozar dunha ruta segurapara as persoas que decidan dar un paseo dende o centro da vila ata As Fragas, lugar natural de encanto privilexiado polo que discorre o río Verdugo e que enlaza coa ruta de sendeirismo Das almiñas e Foxo do Lobo.

UNHA GLORIETA QUE ORGANIZA O TRAFICO NA SÚA CONFLUENCIA COA ESTRADA DA INSUA-SOUTOMAIOR

Outra das melloras introducidas no proxecto é a construción da Glorieta que enlaza esta travesía coa estrada que comunica Ponte Caldelas coa Insua e Soutomaior-Arcade. Ademais da introdución de lastras na súa creación, dotouse de pasos de peóns, sinalética e unha serie de medidas tendentes a aumentar a seguridade vial e a incorporación do tráfico ao centro da vila.

Ao mesmo tempo a Travesía de Pazos ofrece unha nova imaxe de entrada á vila dando un aspecto máis moderno e funcional, acorde a unha poboación dinámica e en continuo crecemento como é Ponte Caldelas.