O Mesón de Deus álzase coa copa das ligas Concello de Ordes

Equipo Mesón de Deus

As ligas deportivas de Ordes chegaron na xornada de onte ao seu fin coa entrega dos trofeos. O Mesón de Deus proclamouse vencedor indiscutible da Copa Concello de Ordes tras unha excelente tempada. Por detrás deles o Alpa, Inter Ordes e Joints ocuparon o segundo, terceiro e cuarto posto, respectivamente.

Os xogadores do equipo de fútbol sala Joints proclamáronse vencedores da liga de fútbol sala, seguidos polos do Montaos e o Inter Ordes. Precisamente deste último equipo saliu tamén o pichichi da liga, Marcos Noya. Pola súa banda o Leira Fútbol Sala obtivo o galardón á deportividade.

 Tamén onte se entregaron os trofeos de tenis. Na primeira división os mellores resultados foron para Mateo e Álex, mentres que na segunda división os galardóns foron a parar a mans de Luis Ángel e Ángel.