O luns ábrese o prazo para participar na Feira Franca 2013

A oficina da Feira Franca situada na rúa Afonso XIII (antigo Conservatorio de Pontevedra), aceptará a partir do luns, 17 de xuño, as solicitudes de participación en ceas, xantares, mercado e hostelería da presente edición.

En horario de 10h a 14h, os cidadáns poderán inscribirse ata a finalización do prazo o día 17 de xullo.

As normas ligadas ás solicitudes poden ser consultadas no enderezo electrónico feirafranca.info, así como máis información da edición deste ano adicada aos inventos.