O Concello de Tomiño convoca o certame de relatos curtos 2013 “Espazo fortaleza”

O Concello de Tomiño celebra o Certame de Relatos Curtos 2013 “Espazo Fortaleza”.

Aínda que a temática dos relatos (escritos en linga galega) será libre, no texto deben  aparecer  palabras coma  fortaleza, torre ou castelo.

Só poderán presentarse traballos en lingua galega, cun máximo de 10 páxinas (non hai mínimo) tamaño DinA4, en formato de letra Arial, tamaño “12”, e espazo entre liñas de “1,5”.

Os relatos presentaranse baixo o sistema de plica e deberán entregarse na Concellaría de Cultura ou na OMIX (ver bases) .

O premio consistirá nun vale de 100 euros para libros e material de papelería, máis un vale de 75 euros para turismo activo.

Establécese tamén unha categoría infantil, na que poderán participar nenos e nenas nados a partir do 1 de xaneiro de 2001. Son válidos textos escritos a man, e poden incluír debuxos. Neste caso, o premio será un vale de 75 euros para libros e material de papelería máis vale de 50 euros para turismo activo.

O prazo para a entrega de traballos remata o día 15 de agosto de 2013.

As bases do certame poden consultarse na Web do Concello (www.concellotomino.com), na Concellaría de Cultura do Concello de Tomiño (Praza do Seixo s/n), ou ben, chamando ao teléfono 986 622 001/03 en horario de mañá.

A concelleira de Cultura, Cristina Martínez, explicou que a convocatoria deste certame encádrase dentro das actividades de fomento da escritura e lectura en lingua galega , que leva adiante o Concello.

As bases do certame poden consultarse na Web do Concello (www.concellotomino.com), na Concellaría de Cultura do Concello de Tomiño (Praza do Seixo s/n), ou ben, chamando ao teléfono 986 622 001/03 en horario de mañá.