O Concello de Ferrol mantén aberto até venres o prazo de incrición nos dous novos obradoiros dirixidos á búsqueda de emprego

A Concellería de Emprego do Concello de Ferrol, que dirixe Martina Aneiros Barros, informa de que o venres, día 28 (incluido), pecha prazo de inscrición para os novos obradoiros para a elaboración do curriculum vitae e para a preparación da entrevista de traballo. Este dous itinerarios teñen límite de prazas polo que os interesados deberán inscribirse no Centro Municipal de Emprego, situado na rúa Sagrada Familia 56.

Estes obradoiros, cunha duración de 15 horas cada un deles, están dirixidos a persoas desempregadas inscritas como demandantes de emprego no Servizo Público de Emprego de Galicia, tendo prioridade as persoas empadroadas no termo municipal ou usuarias dos servizos do Centro Municipal de Emprego. O obxectivo desta iniciativa é mellorar as posibilidades de atopar un posto de traballo para as persoas beneficiarias a través de obradoiros de carácter práctico. Este programa está cofinanciado pola Deputación Provincial da Coruña e para máis información os interesados deberán chamar ao teléfono: 981 94 41 95 ou a través da páxina web: www.ferrol.es/emprego