Nova campaña de recollida de alimentos nos colexios de Nigrán

O Concello de Nigrán pon en marcha por segundo ano consecutivo unha campaña de recollida de alimentos nos centros escolares do municipio, co obxectivo de nutrir o fondo de alimentos municipal, creado exactamente hai un ano. Tras o éxito da primeira edición, na que se recolleron máis dunha tonelada de alimentos, a Concellaría de Benestar Social convida un ano máis a alumnos, pais e profesores dos colexios de Nigrán a nutrir de alimentos non perecedoiros e perecedeiros de longa duración o fondo do departamento de Servizos Sociais.

Así mesmo, o concello convida a todos os veciños do municipio a colaborar nesta campaña de recollida de alimentos, e agradece a colaboración de todos os particulares e institucións públicas e privadas que axudaron a alimentar o fondo municipal.

Doutra banda, lémbrase  a todos os interesados en formar parte desta iniciativa que poden levar alimentos non perecedoiros e perecedoiros de longo duración ao Departamento de Servizos Sociais, no seu horario habitual de 8.00 a 15.00 horas. Así mesmo, en todas aquelas actividades culturais e deportivas habilitarase un punto de recollida de alimentos.