Nigrán celebra a XXIV edición da Semana de Raku

A escola municipal de cerámica despide o presente curso coa vixésimo cuarta Semana de Raku, que terá lugar entre os días 3 e 7 de xuño nas instalacións das escolas, en Cotros, de 17.00 a 21.30 horas. Esta actividade, na que participan os alumnos da escola pero que está aberta ao público, permite coñecer de cerca a técnica de cocción da cerámica de orixe nipón raku. Un procedemento moi participativo, no que todos os alumnos deben colaborar no proceso de cocción das pezas, sacandoas do forno a máis de 1.000 grados, pasádoas por serrín, lavándoas, etc. Outra da maxia desta técnica é que é moi aleatoria, e poucas veces se coñece de antemán o resultado final do proceso.