GalEco presentará en Cedeira las últimas novedades del mercado de vehículos eléctricos

O público que visite este fin de semana GalEco, a primeira edición de a Feira das Enerxías Renovables de Cedeira, poderá coñecer de primeira man as últimas novidades do mercado de vehículos eléctricos. Será posible no posto que rexentará Electric City Motor00, unha firma española que hai uns meses inauguraba franquía na bisbarra. Concretamente, na localidade de Fene. Dispón dunha ampla gama de vehículos: dende motocicletas ata turismos, pasando por bicicletas, todoterreos ou vehículos para persoas con mobilidade reducida.

Algúns deles poderán verse en GalEco, a exposición do público. E, todos, con tres trazos comúns: cero emisións, cero ruídos e cero mantemento.

O sector dos coches eléctricos encóntrase en pleno proceso de crecemento e das súas vantaxes para particulares e empresas decatarase en GalEco, a feira sobre enerxías renovables que organiza o Concello os días 8 e 9 de xuño na Avenida da Mariña, en pleno centro histórico.
Como avance, destacar as vantaxes económicas e ecolóxicas. Neste sentido, a compra dos vehículos eléctricos supoñen un desembolso inicial maior respecto aos tradicionais, pero amortizable en moi pouco tempo xa que non utilizan combustible, con prezos en continua escalada.

Derivado disto, o seu nivel de emisións de C02 é nulo, ao tempo que evitan a contaminación acústica e, un e outro factor, contribúen ao coidado do medio. Así mesmo, existen axudas públicas para a súa adquisición. En números e a xeito de exemplo do anterior, significar que recargar unha motocicleta para unha autonomía de cen quilómetros supón un custo dun euro.

Neste contexto, os vehículos eléctricos compartirán espazo en GalEco con outras firmas que mostrarán en distintos campos as vantaxes económicas e, sobre todo ambientais, de recorrer a fontes de enerxía renovables no día a día. Será este fin de semana, sábado e domingo en horario de mañá (de 11 a 14 horas) e de tarde (de 16 a 20 horas). Unha cita aberta a todo o mundo.