Estrea de “Perseguedores de soños” da compañía Pinchacarneiros no Auditorio Gustavo Freire de Lugo

A Concelleira de Benestar Social e Igualdade, Ana González Abelleira, o Presidente da Fundacion Anade, José Colmenero, e a Delegada en Galicia da Fundación Anade, Ángeles Fernández Maira, presentaron a obra de teatro Perseguedores de soños que mañá venres se estrea en Lugo.

A obra de teatro, escrita polo lucense Lois Pérez, para o grupo de teatro Pinchacarneiros é unha comedia na que se representa unha comunidade especial na que se trafica con soños de liberdade cun importante transfondo social e actual.

A actuación, no Auditorio Gustavo Freire, comeza mañá venres ás 20:00 horas e ten a entrada gratuíta.