Entrega de diplomas do curso de operario de almacén

O concelleiro xunto aos participantes no curso

O concelleiro de Servizos Sociais, Miguel Lorenzo, acudiu á clausura e entrega de diplomas do Curso de operario de almacén que a Unidade de Asesoramento de Migracións (UAMI) celebrou na Sagrada Familia. No curso, de 70 horas de duración, participaron un total de 15 persoas. A realización deste tipo de formación por parte da UAMI ten por obxectivo favorecer a integración sociolaboral da poboación emigrante residente no termo municipal da Coruña.