Emafesa cortará a auga en varias rúas do centro da cidade e do ensanche

A Empresa Mixta de Augas de Ferrol S.A (Emafesa) informa de dous cortes temporais no subministro de auga que levarán a cabo mañá martes, día 4, e pasadomañá, mércores 5. Esta restrición no subministro obedece a traballos de mellora na rede e se producirá na xornada do martes a partir das 16:00 horas e na do mércores, de 9:00 a 13:00 horas.

Mañá, as intervencións realizaranse nas seguintes rúas:

– Rúa Real entre Sánchez Barcaiztegui e Concepción Arenal.

– Rúas Sánchez Barcaiztegui e Coruña no tramo comprendido entre as rúas Sol e Real.

Mentres que o mércores 5, os cortes temporais no subministro de auga afectarán ás rúas:

– Rúa Río Castro, números pares entre Manuel Belando e Río Porto.

– Rúa Faxardo, entre Manuel Belando e Río Porto.

– Rúa Perbes, entre Río Castro e estrada de Castela

– Rúa Río Porto, números impares entre Río Castro e estrada de Castela.