Curtis e o cooperativismo

O concello de Curtis como axente promotor do desenvolvemento rural está a realizar diversas actividades para potenciar o cooperativismo como fórmula de autoemprego e emprendemento.

A exposición “Descubre as cooperativas” cedida no mes de maio pola Rede Eusumo, entidade promovida pola Consellería de Traballo e Benestar introduciunos nos valores e potencialidades do cooperativismo, sendo visitada polos veciños/as, alumnos/as do IES de Curtis, maiores do centro de Curtis e os alumnos/as do obradoiro de emprego entre outros. Ao acto de clausura acudiron o subdirector xeral de Cooperativas e Economía Social, Xoan Miguel Concheiro e o alcalde de Curtis, Javier Caínzos que destacaron a importancia das cooperativas como modelo empresarial no medio rural.

Asemade, levouse a cabo unha sesión informativa e de presentación de experiencias de éxito coa colaboración dos representantes de Coba de Vales e Cusoviame como exemplos de rentabilidade e futuro empresarial.

Sendo o emprego unha das principais problemáticas actuais, o concello pretende continuar con esta líña de actuación, realizando actividades de información e promoción do cooperativismo e a economía social ao longo deste ano.