Culleredo pon en marcha talleres de apoio para persoas con cancro e as súas familias

O goberno de Culleredo, a través da colaboración entre a Concellaría de Sanidade e a asociación AEAL, inicia un programa complementario aos servizos que proporciona o sistema galego de saúde co obxecto de reforzar a atención para os veciños. Neste caso, a acción consiste en talleres de apoio para persoas con cancro e os seus familias.

A iniciativa ten como obxectivo ofrecer o apoio psicolóxico que poden necesitar aspersoas con cancro e o seu ámbito. Céntrase en como abordar aspectos da enfermidade, como a relación co médico. O taller comezou onte e desenvólvese todos os martes e xoves, ás 8 da tarde, no
Centro de Servizos Sociais de Vilaboa (xunto á parada de taxis). A concelleira de Sanidade, Penélope López, e a de Benestar Social, Guadalupe Pombo, asistiron onte ao comezo do programa para saudar os asistentes e ofrecer os servizos do Concello para as demandas que poidan ter.

Os talleres están dirixidos polo psicólogo especialista Jose María Freire. Non é necesaria a inscrición previa e son gratuítos. A seguinte sesión será mañá xoves ás 8 dá tarde. A Concellaría de Sanidade resalta o obxectivo de dotar de estratexias as persoas que pasan por este proceso de enfermidade para poder afrontala e loitar contra ela, e os beneficios deste tipo de talleres grupales.