Corte de tráfico no barrio de San Pedro por mor das festas

Con motivo da celebración das festas de San Pedro, o vindeiro sábado, 29 de maio, a rúa de San Pedro, a praza da Cruz de San Pedro e Concheiros quedarán cortadas ao tráfico dende as 8.00 ás 00.00 horas. Prohibirase o estacionamento nas devanditas rúas desde as 22.00 horas do venres 28 ata as 00.00 do domingo día 30.

Na rúa Concheiros, malia quedar prohibido o tráfico, permitirase o acceso aos garaxes durante toda a xornada, así como aos vehículos de carga e descarga ata as 10:30 horas. Así mesmo, invírtese o sentido de circulación na costa do Veedor, quedando de baixada, para dar saída aos vehículos procedentes da rúa das Fraguas.

Os vehículos que queiran incorporarse á rúa de Betanzos e Bonaval accederán dende a intersección de Rodríguez de Viguri – Concheiros pola rúa da Angustia, na que se invertirá o sentido de circulación, podendo acceder desde esta á rúa Lagartos.

Os vehículos que saian da rúa do Medio farano por travesa de San Pedro cara Belvís.

Os vehículos procedentes da rúa Campo do Forno sairán pola rúa das Chufas cara a rúa Lagartos.

Todos estas prohibicións e cambios de sentido estarán debidamente sinalizados.

O Concello de Santiago de Compostela prega aos cidadáns desculpen as molestias que estas alteracións no tráfico lles poidan ocasionar.