Comezan as obras de reparación do parque infantil da Rúa
O Concello de Miño acometerá nas próximas semanas as obras de rehabilitación do parque infantil da Rúa. Os traballos consistirán na reparación da área de xogos, a retirada dos compoñentes deteriorados e a súa substitución por elementos novos.
O alcalde de Miño, Jesús Veiga, indica, que comezará a reparar de xeito progresivo todos os parques e zonas de xogos do municipio, co fin de que estean en perfectas condicións de equipamento e seguridade para o desfrute dos máis pequenos.