As Escolas Multideportivas da Fundación contarán coa participación de 255 usuarios

As Escolas Multideportivas de Verán organizadas pola Fundación de Deportes contarán este ano cun total de 255 usuarios, todos eles nenos e nenas con idades comprendidas entre os 7 e 14 anos. A actividades comezarán o luns e impartiranse de luns a venres durante os meses de xullo e agosto. As Escolas Multideportivas propiamente ditas celebraranse nas praias da Concha-Compostela, e a actividade de patinaxe nas instalacións do colexio Arealonga.

O número de usuarios cos que contarán as Escolas Multideportivas ascende a 142, polo que se organizarán seis grupos con dous horarios diferenciados: de 10 a 11.30 horas e de 11.30 a 13.00 horas. As sesións impartiranse todos os días de luns a venres. A actividade de patinaxe conta con 113 nenos anotados que se dividirán en catro grupos diferenciados segundo o nivel dos patinadores e que celebrarán as clases catro días á semana en horario de 11.30 a 13.00 horas.

Moitos dos nenos e nenas que participan no programa de verán organizadas pola Fundación de Deporte optaron por anotarse nas dúas actividades, é dicir nas Escolas Multideportivas e na de patinaxe, cuxos horarios compatibilizarán para poder asistir a ambas. Esta é a razón polo que aínda que o número de inscricións (persoas reais) ascende a 155, en total son 255 os usuarios dado que moitos dos nenos participan nas dúas modalidades.

Nas Escolas Multideportivas de Verán inclúense algunhas das actividades que xa se imparten en inverno e que se poden adaptar á praia, como fútbol, volei, baloncesto ou béisbol, rugby, así como outras máis típicas da temporada estival como palas e freesbe e mesmo piragüismo, que se desenvolverá nunha zona acotada da praia. Tamén se realizarán xogos de cooperación.