Aberto prazo de presentación de solicitudes ao viveiro de empresas de servizos do Concello de Cangas

O Boletín Oficial da Provincia de hoxe martes 18 de xuño de 2013 publicou o anuncio de licitación para a cesión de uso de 4 despachos no Viveiro de Empresas de Servizos do Concello de Cangas.

Consecuentemente, todos os/as emprendedores/as e empresarios/as de nova creación   (alta na seguridade social dos seus socios fundadores de cómo máximo 12 meses previos á solicitude de oficina no viveiro) interesados/as no aluguer dunha das catro oficinas disponibles, situadas na rúa Eirado do Señal nº5, 2ª andar, dispoñen dun prazo de 30 días naturais para presentar a súa solicitude.

Poderán consultar as bases na páxina web oficial do concello de cangas www.cangas.org, no apartado Perfil do Contratante, Licitacións abertas, e recibir información sobre o proceso nas oficiñas da Axencia de Desenvolvemento Local do Concello de Cangas, ou no teléfono 986 301 371.

Fundamentalmente, o viveiro está dirixido as empresas de servizos, capaces de xerar certo valor engadido en áreas tales como consultoría, asesoría, software, desenvolvementos informáticos e técnicos, solucións de enxeñería, etc…, sen por elo descartar as empresas comercializadoras dos bens ou servizos que non precisen de espazo físico de almacenamento no viveiro, sexa pola natureza dos bens comercializados, sexa porque poden organizar de maneira satisfactoria o almacenamento destes en istalacións alleas ó espazo do viveiro.

Quedan excluídas do viveiro as empresas que non puideran ser consideradas como pequenas e medianas empresas, segundo os criterios oficiais e legalmente establecidos en cada momento.

O importe da renda mensual a aboar dependerá das dimensións e características dos módulos cedentes, de acordo coa seguinte táboa:

Despacho A (10m2)

60€ Euros/mes

Despacho B (12m2)

75€ Euros/mes

Despachos C  e D (14m2)

100€ Euros/mes

 A parte da cesión de oficinas, as empresas beneficiarias poderán gozar dunha serie de servizos que se prestarán a tódolos adxudicatarios do viveiro con cargo ó Concello:

– Recepción de correspondencia.

– Información básica consultas administrativas.

– Apoio, asesoramento e titorías necesarias para a posta en marcha dunha empresa.

– Limpeza e mantemento .

– Iluminación do edificio

– Mantemento das instalacións e equipos técnicos e de servizos comúns.

– Recollida do lixo 

– Sala de Xuntas