A Torre de Hércules inicia o horario de verán

O Concello da Coruña, a través da área de Turismo, informa de que a Torre de Hércules estrea mañá, sábado 15 de xuño, o seu horario de verán e en lugar de abrir de 10.00 a 18.00 horas permanecerá aberta ao público de luns a domingo en horario ininterrompido dende as 10.00 ata as 21.00 horas. A última visita ao faro será ás 20.30 horas, media hora antes do peche. O horario de verán manterase ata o próximo 14 de outubro, inclusive.