A marcha nórdica xa se pode practicar no Carballiño

O próximo 30 de xuño, ás 9:30 horas en primeira quenda e ás 11:30 en segundo, realizarase unha demostración da modalidade deportiva marcha nórdica, con saída dende a Praza Maior e regreso ao mesmo lugar. Os interesados poderán inscribirse na área de Servizos Sociais do concello de ou Carballiño, sendo as prazas limitadas.

Esta actividade, programada dende a asociación de marcha nórdica de Galicia, canta co apoio do concello carballiñés para presentarse na vila. Entre os beneficios deste exercicio están a estimulación e eliminación das hormonas do estrés, reforzar o sistema inmunolóxico, atrasar o envellecemento e aumentar a autoestima así como optimizar o traballo do corazón.

A marcha nórdica é algo tan sinxelo como camiñar ao aire libre utilizando uns bastóns especiais que impulsan o camiñante, co que é máis efectiva que camiñar sen bastóns e elimina as sobrecargas nas articulacións.