A Escola Municipal de Música de Ordes ofrecerá un concerto de fin de curso este próximo venres

A Escola Municipal de Música do Concello de Ordes ofrecerá este próximo venres un concerto ao que poderán acudir de balde todos e todas aqueles que o desexen. A cita está posta para as 19.30 horas no auditorio da Casa da Cultura e nela participarán preto de 20 músicos, con idades comprendidas entre os 10 e os 15 anos, pertencentes á dita escola.

Por primeira vez, este ano inclúense dous novos instrumentos, o acordeón e o trombón, ademais dos que normalmente participan noutros anos, como piano, guitarra, clarinete ou frauta. Entre o repertorio inclúense pezas de Carlos Castro, Stadler e Bartlett, entre outros.