A conferencia “O doente e outros doentes” mañá, na I Escola de Doentes

A primeira Escola de Doentes celebra este venres ás 20h na Sala Valdecorvos da Casazul a conferencia “O doente e outros doentes”, impartida por Ángela Paz, doente de fibromialxia.

A presente iniciativa, incluída dentro do programa HEDRA, facilita un espazo de achegamento para doentes crónicos, familiares e profesionais como medio para o intercambio de puntos de vista, información, formación e coñecemento.

Este intercambio de experiencias e sentimentos, nado a petición do Colectivo de Afectados pola Fibromialxia, impartirá cada venres conferencias destinadas a tódolos públicos afectados por enfermidades crónicas.

O próximo e último venres da iniciativa, conformarase un parladoiro aberto ás 20h na Sala Valdecorvos da Casazul, no que os asistentes poderán compartir experiencias, manifestar peticións, suxestións, ou solventalas súas dúbidas.