A Cidade Deportiva Vista Alegre de Ordes acollerá o III Campus de Atletismo

A Cidade Deportiva Vista Alegre, no Concello de Ordes, acollerá dende o 25 ao 28 de xuño o III Campus de Atletismo. Unha iniciativa dirixida tanto a rapaces e rapazas de Primaria e Secundaria como a adultos e veteráns.

O programa arrancará o primeiro día con carreiras de velocidade, nas que se inclúen circuitos con e sen obstáculos, ademais de xogos multiatléticos. O mércores 26 levaranse a cabo as probas de lanzamento de xabelina, disco, martelo, peso e xogos de multilanzamento. Xa de cara ao xoves 27 a xornada estará entrada nos saltos de lonxitude e altura, ademais das carreiras de resistencia. Para finalizar, o venres 28 disputaranse carreiras de relevos. Os gañadores virán dados pola suma total de cada unha destas probas. Para todos eles haberá trofeos, ademais de sortearse agasallos entre todos os participantes.

Entre o cadro técnico para este ano está encabezado por José Domínguez, adestrador nacional de atletismo e licenciado en Educación Física. Outros compoñentes serán: Sandra Don, Julio Santiago Freijanes, Ana Domínguez e Irene Mallo, todos eles monitores nacionais de atletismo.  

Aqueles que queiran participar poderán inscribirse ata o 19 de xuño no Concello de Ordes, no Concello de Cerceda ou ben no colexio Celso Emilio Ferreiro, na Silva. Para elo é preciso aportar a ficha de inscrición  e o xustificante de pago, cuxo importe por alumno ascende a 18 euros (30 euros no caso das parellas de irmáns e 40 euros a partir de tres). Os cartos deberán ser ingresados en Novagalicia Banco, no número de conta 2091 0037 78 3000089371, especificando ‘Campus Atletismo 2013’ como concepto do ingreso.