Touro potencia a creatividade dos seus veciños nos obradoiros “Aprendemos xunt@s” e “Mans creativas”

O Concello de Touro potencia a creatividade dos seus veciños e veciñas a través de dúas obradoiros de manualidades: ‘Aprendemos xunt@s’ e ‘Mans creativas’. O primeiro terá lugar o próximo xoves, día 9 de maio, e está destinado a todas as persoas que desexen intercambiar os seus coñecementos de manualidades. ‘Mans creativas’, pola súa banda, desenvolverase tamén o próximo xoves, 9 de maio, e o próximo día 23. Este obradoiro creativo está dirixido a nenos e nenas de catro a doce anos e pretende que os asistentes poidan descubrir e expresar o seu potencial imaxinativo e plasmar o seu criterio estético.

Ambos os dous obradoiros celebraranse na Aula de Usos Múltiples situada na sede do Concello de Touro. Comezarán ás 16.15 horas e terán unha duración de dúas horas.