Subida ao Pico Sacro dentro do programa “Goza do Ulla”

Participantes na andaina

Na soleada mañá do pasado sábado 25 de maio, realizouse no Concello de Boqueixón un roteiro alternativo de subida ó Pico Sacro encadrado dentro do Programa de sendeirismo “Goza do Ulla”.  

Sobre as 10:30h. da mañá sairon unhas 35 persoas participantes dispostas a percorrer en 3 horas os 9 km de subida e baixada do mítico pico galego.

O roteiro de subida a este monte sagrado permitíulles desfrutar das paisaxes de maior beleza natural que conforman este monte sagrado e dunhas espectaculares paronámicas, ademáis doutros puntos de interese cultural que foron  atopando no camino como son os restos da igrexa e do cemiterio de Rubial, cruceiro de Rubial,.. e xa no Pico Sacro, coñeceron a Capela de San Sebastián, Rúa da Raíña Lupa, a súa lenda e as covas dos mouros.

O Programa “Goza do Ulla” prosigue o seu calendario de roteiros por todos os concellos bañandos polo Ulla ata o 26 de outubro, esperando que todos os sendeiristas se animen a percorrer as paraxes naturais mais fermosas .