Servizo de orientacion laboral
O Alcalde de Paderne ven de firmar un Convenio de colaboración, xunto cos alcaldes de Betanzos e Coirós para a posta en marcha da prestación conxunta do servizo de orientación laboral.
Por medio desta agrupación, solicitouse unha subvención á Consellería de Traballo e Benestar que permita sufragar a contratación do persoal técnico de orientación laboral para o desenvolvemento das accións de información, orientación e prospección de emprego, as cales se prestarán nos tres concellos de xeito proporcional ao número de demandantes de emprego.