Sergio Pazos trae á Laracha o seu show “Sé galego, my friend”

O espectáculo cómico de Sergio Pazos pechará o I Festival do Humor da Laracha, que se vén celebrando desde primeiros de maio cun notable éxito de público.

O actor ourensán, coñecido polo seu papel de Paspallás na serie da TVG Pratos Combinados e polas súas reportaxes en Caiga quien caiga, traerá á Laracha o seu show titulado Sé galego, my friend, no que repasará en todo sarcástico as virtudes e defectos dos galegos e a nosa especial forma de ver e entender todo o que nos rodea.

As entradas poden adquirirse ao prezo de 5 euros no Concello da Laracha en horario de oficina ou ben na propia Casa da Cultura o venres ata minutos antes do inicio do espectáculo, programado para as 22.00 horas.