Salomé Peña e Jorge Abal entregan os diplomas aos alumnos da Escola Municipal de Judo de Ribadumia

Os aproximadamente corenta nenos de entre 4 e 15 anos clausuran este xoves á Escola Municipal de Judo de Ribadumia acompañados pola alcaldesa Salomé Peña e o concelleiro de Deportes Jorge Abal. Os alumnos farán unha demostración de judo diante dos seus pais e posteriormente recibiran os diplomas da Federación Galega de Judo.

A escola de judo, xunto coas de tenis, xadrez e patinaxe, forman parte dun ambicioso proxecto elaborado pola Concellería de Deportes para promocionar e potenciar o deporte base. A Escola Municipal de Judo conta coa ensinanza de profesores titulados da Federación Galega que introducen aos nenos nesta forma de defensa na que se traballan, ademais do deporte en si, valores de respecto, disciplina, cortesía e contacto con outras persoas.

O concello dispuxo este curso dunha oferta ampla e variada de escolas deportivas, unha mostra mais do compromiso do Concello de Ribadumia para potenciar o deporte base, ofrecendo aos rapaces alternativas para ocupar o seu tempo libre, fomentar valores saudables e darlles a posibilidade de elixir entre varias modalidades deportivas.