Reunión da Mesa de Comercio para a presentación de proxectos dos centros comerciais abertos

Luisa Cid na reunión da Mesa de Comercio

A Tenente de Alcalde de Emprego e Empresa, e responsable de Comercio, Luisa Cid, reuniuse esta mañá coa Mesa Local de Comercio. Durante a reunión extraordinaria, que serviu como paso previo ao encontro ordinario que se celebrará aproximadamente dentro dun mes, presentáronse os proxectos dos diferentes centros comerciais abertos da cidade: Área Obelisco, Os Mallos e Rúa Barcelona. Os proxectos presentados están dirixidos fundamentalmente a accións de fidelización como cheques regalo e tíckets gratuítos de aparcadoiro ademais de campañas de promoción, entre outras.