Presentación do VIII Certame de Poesía Erótica Illas Sisargas

Presentación do VIII Certame de Poesía Erótica

Durante a maña de hoxe, o Presidente da A.C. Caldeirón Francisco Quiroga López (Paco de Tano), o Secretario da A. C. Cultural Caldeirón, Sr. Francisco Souto Barreiro (Paco Souto) e o Alcalde de Malpica de Bergantiños, Sr. Eduardo J. Parga Veiga, presentaron a convocatoria do VIII Certame de Poesía Erótica Illas Sisargas.

O prazo de presentación de exemprares rematará o vindeiro 30 de setembro,  e nesta edición estará dotado con 1.000,00 € e a publicación da obra gañadora dentro da colección Caldeirón.

O fallo do xurado darase a coñecer no transcurso da Cea das Letras a celebrar o segundo sábado de novembro. No transcurso da mesma presentarase a publicación da obra gañadora do certame do ano 2012: Chámademe Eva de Mercedes Leobalde.