O Principal de Pontevedra encherase cun “Son de contos”

A Concellaría de Cultura presentou esta mañá o proxecto Son de contos. As bases dun novo xénero que se celebrará o domingo, 12 de maio no Teatro Principal a partir das 19.00 horas.

Este espectáculo combinará relatos breves e música, para crear pezas duns 20 minutos. Contará cos textos de Fina Casalderrey, Xoán Babarro & Ana Fernández, Manuel Lourenzo González; a música de Julius Andrejevas, Carlos M. Cambeiro e Fernando Ruibal. Os intérpretes serán os integrantes do Obradoiro vocal “A vila”.