O Mercado Plantón de Horta e Flor celebrarase a próxima fin de semana en Monforte

O mercado “Plantón de Horta e Flor” que estaba previsto celebrar esta fin de semana na Praza de Abastos de Monforte trasládase para os días 11 e 12 de maio, próximos sábado e domingo.

A maior parte dos vendedores que inicialmente confirmaran a asistencia a este mercado solicitáronlle ó Concello o cambio de datas. A solicitude produciuse debido a que esta fin de semana celébrase o día da nai e tamén moitas primeiras comuñóns, motivos que consideran diminuirían a afluencia de público a este mercado.