O IES A Pinguela participará o luns no Certame de Teatro

Este luns día 13 de maio, alumnado do Obradoiro de Teatro do IES A Pinguela participará no Certame de Teatro para Centros de Ensino coa obra “Fábula da eco-no-mía”, dirixida por Paqui Abeledo.

A obra está baseada no texto “LosMendigos”, do autor galego José Ruibal, e xira sobre o seguinte argumento:

Nunha sociedade corrupta, dominada polo mercantilismo e os intereses privados dos gobernantes, os esmoleiros, os máis desfavorecidos, entoarán as súas voces a un tempo, reclamando o que por dereito pertence a tódolos seres humanos: o dereito á liberdade, á igualdade, á dignidade e á xustiza.

A representación levarase a cabo no salón de actos da Casa da Cultura a partir das 20:00 h.