O Concello pon a disposición dos veciños un teléfono para a recollida semanal de voluminosos

O Concello de Cedeira informa os veciños que teñen a súa disposición un número de teléfono para solicitar a recollida gratuíta de residuos voluminosos porta a porta. Un teléfono, o 605 02 88 92, no que poden deixar os seus avisos durante toda a semana. Deste modo, os operarios do Servizo de Limpeza programan o percorrido que realizarán cada venres e proceden á retirada dos aparellos, que previamente, o xoves,
os veciños deberon depositar xunto ao colector máis próximo a vivenda.

Os residuos voluminosos trasládanse así ao Punto Limpo Municipal, situado no polígono de A Xunqueira. Entre outros aparellos, os veciños poden desprenderse a través deste servizo de madeira, entullos, plásticos, electrodomésticos, mobles, ordenadores… ademais, teñen ao seu
disposición as instalacións do propio Punto Limpo, abertas ao público os mércores de 15,30 a 19,30 e os sábados de 10 a 14 horas. Alí, a maiores, poden depositar pilas, pinturas, aceite usado, tubos de iluminación… Sen un límite nas entregas, o servizo é tamén gratuíto para
os veciños empadroados na vila.