O Concello de Gondomar mellora o camiño de Abrullido e Oliveira, nas parroquias de Donas e Borreiros

A Concellaría de Vías e Obras, que dirixe Jesús Salgueiro, continúa coas tarefas de mellora nos camiños das zonas rurais do municipio. Nesta ocasión, os traballos centráronse na mellora do camiño de Abrullido e Oliveira, nas parroquias de Donas e Borreiros respectivamente.

Os traballos centráronse na mellora do firme. Para iso, a pista cubriuse con xabre. En breve, procederase ao asfaltado do vial.

A actuación responde ás demandas dos veciños da zona que solicitaban o acondicionamento desta vía, utilizada frecuentemente para poder recortar os dous quilómetros e medio de traxecto que separan ambas as dúas parroquias.

Con esta e outras medidas adoptadas dende o Concello de Gondomar continúase atendendo as necesidades dos seus veciños, mellorando as comunicacións entre as distintas parroquias do municipio.